الاثنين، 4 مايو، 2015

القراءة ...حياة


القراءة  عالم تاني ....
فاكرة اني كنت بتعلم القراءة بسرعة بس عشان اعرف اقرأ القصص لاني كنت بحبها أووي
القراءة  تخيل ....
زي ما كنت بحب الكارتون وبعشقه .... كنت بحب القراءة وبتخيل الاحداث امامي كأنها فيلم كارتون 
كنت سنو وايت وأليس و كل بطلة قرأت قصتها كنت هي ...
القراءة  سفر ...
 مكانش في فرصة للسفر ابدااا ...بس مع القراءة كنت بسافر لأماكن عمري ما روحتها وعارفة ان مفيش أمل إني أروحها ...بس روحتها مع القراءة 
القراءة  صداقة ...
حتي وانت مفيش عندك صديق  ...كنت بتصادق الكتاب ...وكاتب الكتاب ...وابطال الكتاب 
القراءة أمل ...
إنك ف يوم من الأيام  تكون زي بطل من الابطال ...زي كاتب من الي قرأت لهم  
القراءة بتفتح لك ألف باب وباب  للأمل وإنك ممكن تكون الي انت  موصلتلوش ....
القراءة حياة ...
لأن بالنسبة للكثيرين حتي مع التكنولوجيا الحديثة يبقي الكتاب هو المفضل لديهم  حتي مع امتلاكهم لــ تاب  ولاب  واي باد وموبايل  وكمبيوتر ....إلخ 
الكتاب حياة بدون مبالغة