@
هو " أنا بحبك "
هي " أنا بحبك أكتر "
هو " لا أنا بحبك أكتر أكتر "
فعلا هي كانت بتعتقد ان هو بيحبها اكتر
بس واضح ان ...هي غبية
#
مش دايما الاهتمام والغيرة
معناهم الحب
@
علي فكرة
مش دايما الي بيقول " بحبك " أكتر
بيكون بيقصدها بجد
@
مينفعش حد بيحب بجد
يقول للي بيحبه بتحس بإية وانت معايا
#
علي فكرة
انت اللي قلت " لازم نبعد عن بعض "
وانت الي قلت " مفيش حاجة هتبعدنا عن بعض "
وانت اللي قلت " عمري ما هسيبك "
#
هو " ممكن اطلب منك طلب ؟"
هي " اية ؟"
هو " خدي بالك منك "
هي " اه ...انت عارف اني مش بسمع الكلام "
@
هو " ممكن اطلب منك طلب "
هي " ؟؟؟؟"
هو " غيري رقم موبايلك عشان مكلمكيش تاني "
هي " انا مش هغير رقم موبايلي "
علي فكرة اللي بينسي حد بينسي كل شيء بيخصه
وانت مش محتاج اني اغير رقمي عشان متتصلش ....لأنك نسيته
@
هو " انت فين عايز اطمن عليك "
هي " انا كويسة "
طيب ممكن تبعتيلي رقم موبايلك اطمن عليك ؟
هي " انا حذفت رقمك من ع الموبايل ...بس رقمك محفوظ ف ذاكرتي ومش ممكن انساه وبما انك نسيت رقمي فمفيش داعي انك تعرفه تاني "
وعلي فكرة
انا حافظة رقم موبايلك ورقم شغلك في مصر قبل ما تسافر ورقمك الدولي وحتي رقم برنامج الاتصال الي كنت بتتصل منه من بره مصر كنت حفظاه ....
شايف الفرق ....
#
هو
مين الي معاك في الصورة ده ؟
انت خسيتي اووي كدة لية ؟
انت غيرتي طريقة لبسك لية ....متلبسيش ضيق تاني ...
هي ...
علي فكرة
مش من حقك انك تقول الكلام ده ....
كان ممكن زمان ....انما دلوقت .....لاء
@
هو ....طيب ممكن تتصلي بيا عشان اطمن عليك
هي ...اوك
هو ....ممكن متتصليش بيا تاني ....
هي ...." علي فكرة ...انا متصلتش ...انت الي اتصلت
هو " متبعتيش رسايل ....انا مش عايز قلق ....
هي " علي فكرة ...انت متعرفش يعني اية قلق.....القلق ده انا الي عشت فيه من يوم ما عرفتك
#
هي ....
كانت بتحلم ....عشان كدة لما اتصل بيها حست انها لسة ف الحلم ...
بعتت له رسالة " انا مش عارفة انا قلت لك إية ...اصل كنت حاسة اني بحلم ...."
علي فكرة الي انت متعرفوش ان الحلم مكانش حلم ده كان كابوس ....
علي فكرة ....مكنتش بحلم اني بحبك .....
هو ....؟؟؟؟
السؤال اللي انت مسألتوش ممكن أجاوبك عليه ....تعرف كنت بحلم بإية ...؟
" نفس تفاصيل المكالمة اللي سببت المشكلة ....المكالمة اللي انت كتير اتحايلت عليا عشانى اقولك حصل فيها إية ...وانا مقولتش ...عشان مسببش مشكلة عائلية ليك ...برغم ان المشكلة العائلية كبرت...بس انا فضلت علي موقفي اني مقولش ولا كلمة عشان خايفة علي زعلك "
عرفت انا كنت بحلم بإية ....
@
هو " انت ندمانة علي انك عرفتيني ...؟ "
هي " عمري ما فكرت اني ندمانه...."
علي فكرة ....الندم ده شيء وحش اووي معناه انك ارتكبت خطأ ....بس انا حاليا ...ندمانة أووي "
#
هو " هتفضلي فاكراني ...؟"
هي " عمري ما هنساك ...."
هو " هتفتكري الذكريات الحلوة والوحشة ...؟"
هي " هفتكر بس الحلو .....لان الي بيحب حد بيحب حتي عيوبه قبل مميزاته "
علي فكرة ....انا طول الوقت بفكر اني كنت ظالماك ....
انا دلوقت عندي يقين " انك ظالمتني اوووي "
@
هو ... طالما الامور وصلت لكدة ...ووصلت لدرجة قلة الذوق ...فبلاش انك .........
هي " انا عمري ما كنت قليلة الذوق مع حد......
وعلي فكرة .....لو مخنوق من الرسالة في حاجة اسمها ديليت
#
وعلي فكرة ....
مش انا الي طلبت...
والا انا الي بطلب...
ولا عمري هطلب....
وانت عارف اني مش بطلب الطلب مرتين ....
@
علي فكرة ....
عايزة اقولك حاجة مهمة أووووي
انت غبي
p.s
بعتذر لاني جايز مقدرش اني اكتب الايام الجاية
عملت حادثة لطيفة ودراعي بيوجعني جدااا
بكتب بإيد واحدة
