هذا الاسبوع ندون عن اللأم ....!!!
شيء غريب اني ادون عن الام وانا لست بأم ...لكن هل فاقد الشيء لا يعطيه كما يقولون ؟
أحيانا كثيرة لا نعرف قيمة الشيء وهو معنا ..لكننا عندما نشعر بفقده او فقدانه بالفعل نتغير ...
اخواتي اتغيروا كتير بعد الجواز واصبحوا أكثر اهتمام بماما مع انهم مكانوش كدة قبل الجواز ...
أكيد في حاجات كتير بتتغير فينا بعد ما نصير امهات
انا دايما بجيب هدايا لماما طول السنة لكن ف عيد الام حتي لو كنت قبلها جبت لها هدية لازم اجيب لها هدية
بس السنة دي مجبتش ولا حتي قلت لها كل سنة وانت طيبة .... لان كان عندنا حالة وفاة ومكنش في حد فينا بيفكر ف حاجة
بس مش معني كدة اني مش هيجيب لها هدية بالعكس ....لازم اجيب بس بعد شوية وقت
يمكن احساسي دايما اني الي تاعبة امي ف كل شيء ... بسبب عنادي بسبب تأخيري برة البيت دايما بسبب الشغل او بسبب الدراسة ... ماما مش عاجبها اني اكمل دراسات عليا اصلا .... هي شايفة ان الدراسات العليا في الجواز هي الاهم ... زي اي ام يعني
انا بحس كتير اني برغم ان ماما دايما تقول اني اكتر واحدة بريحها في شغل البيت ومش بتعبها الا انها شايفاني اكتر واحدة متعبة في تصرفاتي ...اني هكون ام وحشة جداااا :(
بس في ناس شايفيني غير كدة .... في المدرسة مثلا البنات كانو عايزين يجيبولي هدية ف عيد الام ويسلموهالي ف قلب الطابور طبعا انا رفضت جدااا وقلت لهم ان المفروض الهدية تكون للمدرسات الكبار ف المدرسة او الامهات وانا مينفعش خالص لاني مش ام ...كان ردهم " بس احنا بنحبك يا ميس وعايزينك تاخدي الهدية ف الطابور " بصراحة انا فرحت اوووي وبكون فرحانة لما بلاقي فيه حد بيفكر فيا وبيظهر الحب ده بطريقة معينة ...
الجميل ان البنات فكروا حتي في العاملة الي في المدرسة وانهم يجبولها هدية خاصة ....
فكرت انا هو لازم اللأم بس الي نقولها كل سنة وانت طيبة ف عيد الام ...؟
هو اانا لية محدش قالي كل سنة وانت طيبة وان شاء الله تكوني ام عسولة :(
تقريبا هي مرة واحدة بس الي حصلت وحد عزيز عليا قالي في عيد الام إني " هتكوني أحسن ماما في الدنيا "
أكيد مش هعرف اقول حاجة عن أمي ...صحيح بتعبها كتير بس دايما بحاول اني اخليها مبسوطة بردو ....
ربنا يخليك لي يا امي ويعطيك الصحة والعافية والراحة والسلام النفسي ....انت وجميع الامهات
وكل سنة وكل الامهات والبنوتات بخير وسلام ^____^
كل سنه وانتى طيبه ياقمر وان شاء الله تبقى احسن ام فى الدنيا قريب اوى
ردحذففعلا على فكره اول ما الواحده بتتجوز بتهتم بامها اكتر وبتراعيها اكتر وبتحرص انها متزعلهاش ابدا لانها بتكون خلفت وحست وعرفت يعنى ايه امومه وايه هى معاناه وتعب الام
وواضح ان البنات بيحبوكى اوى اوى
رحاب إنتِ هتبقي أحلى أم في الدنيا ^_^ .. كل سنة واحنا طيبات بقى :) :D
ردحذف