فلتبق....رقم مجهول

كانت تشتاق لسماع صوت ...أي صوت 

سماع صوت يشعرها بالحياة ....

يخرجها من صمتها وكأبتها ....

يخرجها من  شجنها  وبكائها المخنوق 

بحثت في ذاكرتها  عن أي مكان قد تذهب إلية  قد يريح أعصابها فلم تجد

بحثت في ذاكرتها عن صديقة تحكي لها همها ....ويالللعجب...

فهذه مشغولة بأولادها ....

وتلك مشغولة بحفل زفافها ...

أما الاخري فتنعي حظها بزواج زوجها من اخري كانت في يوم صديقتها ....

حتي صديقتها المقربات ....تكفيهن مشكلاتهن فهل تضيف لهن مشكلاتها....

فلتبحث ف ذاكراتها عن  شخص أخر ....

لكن ذاكرتها تأبي أن تتذكر سوي من  يراهم قلبها ....

ومن يراه قلبها .....انسته هموم الحياة وجودها ....لكنها لم تنسي 

امسكت هاتفها  وأخذت تتصفح الارقام والاسماء علها تجد من بينها من تستمع إلية ويتسمع إليها 

كانت الارقام كثيرة جدااا 

اندهشت من كل تلك الارقام ....

كلها أرقام تعرفها .....تعشق اصحابها ....تعرف تفاصيل حياتهم 

تعرف كل شيء عنهم .....

يحكوا لها دوما .....

لكن هل حكت هي لهم يوما.....؟؟؟

لماذ كانت تخاف من الحكي ....عنها 

لماذا  كانت تخاف أن تحكي له ...هو ...عنـــ ه ـــها 

تتصفح الارقام ....

ارقام تشبه رقم كانت تعشقه...

ارقام أخري  تكره ان تراها ...لكنها تحتفظ بها  حتي تتذكر خطأ أن تعرفت إلي اصحابها 

أرقام أرقام أرقام 

زغللت عيناها  وتعبت قلبها ....

ثم كان هناك رقم.... رقم مجهول لي

لماذا أشعر أن هذا الرقم  برغم جهلي به  مميز ...

كأنه يناديني  لأهاتف صاحبه

لأسمع صوتا قد يريح قلبي المتعب 

لحضن يحتوي حزني ...ولا يسألني ما السبب لبكائي ...

بل يربت علي دمعات قلبي ويكفكف شهقات روحي ...

ضغطت  زر الاتصال ....

وما بين فشل الاتصال ...وانشغال الشبكة .....وان الرقم مشغول .... تذكرت أن ....

ذلك الرقم ...فردي هو .....يحمل الرقم المحبب لنفسي ....يحمل رقم يوم كنت عشته بقلبي 

تركت  هاتفي ونظرت لنفسي بالمرآة ....

ها أنا ذا .....تحدثي ...ابكي ....اصرخي ....ولا تخشي شيء ....فأنت من تتحدثين ....لـــ نفسك المجهولة

تحدثي ...ولا تنتظري  أرقام  تعلمين أن أصحابها ....لن يكونو  سوي  شوكة في خاصرتك  يوما ما 

كوني  لهم ....لكنك وحيدة بهم ...

اتصلي ...بك.....تحدثي ..إليك.... احتضني... مشاعرك 

لا تنتظري أحد تتحدثي معه....لا تنتظري أن تفيض مشاعرك لأحد...

لا تنتظري أن يمسح دمعك أحد....

فما الانتظار الا  حنين أخر ....لن يأتي لك 

كوني رقم مجهول لهم .....معلوم لك 

كوني معهم ..... كوني لهم 

ولا تنتظريهم

كوني لنفسك معلومة ....ولهم مجهولة 

فما قيمة  ارقام هواتف  لا تستجيب عندما تحتجينها يوما  ولا تجيبك 

إذهبي لمن  لا يرد الرجاء ...

ويستجيب للدعاء ...

ولا تبحثي عن ارقام  أخري ...

وابحثي عن رقمك انت ....حتي لو مجهول

فلتبقٍٍِِ رقم مجهول

ٍِِ

سبع سبعات ....^_*

السبع سبعات دي طلبتها مني الجميلة .... asmaa khalifa 
0 
حاجات نفسي اعملها 
1 _  اني احفظ القرآن الكريم  واني احج واعتمر 
2 _  اني اتعلم سبع لغات منها الهيروغليفية والانجليزية والفرنسية والايطالية والاسبانية " الهيوغليفية طبعا عشان مجنونة بالفراعنية جداا "
3 _ اسافر  بلاد كتير  منها بالخصوص استراليا واسبانيا  وكوريا  بالخصوص وقت سقوط الجليد  بيجنن
4 _ اني اتعلم رقص الفلامنكو والتانجو ....والسلسا ^_^
5 _ اني احضر حفلة للسيدة فيروز واقابلها واتكلم معاها " اسطورة بجد الست دي " 
6 _ إني اقابل اوبرا وينفيري  واتعلم منها ...." هي مثلي الاعلي كمذيعة  واعلامية " 
7 _ أني اكون أنا   رحاب صالح زي ما بتمني  ...


حاجات  اقدر اعملها 
1 _ اني اكتب علي الكي بورد بسرعة جدااا 
2 _ اني اقول  اللي مش عاجبني  لأي حد وف اي مكان  وجها لوجه مادام مش عاجبني 
3 _  اني بعذر أي شخص وبسامح  الي حد بعيد ...
4 _  اني أقدر استحمل المراهقين واتعامل معاهم  أكتر من الاطفال 
5 _ اقرأ في اي مكان وفي اي ظروف لآني اعشق القراءة 
6 _  انا كتومة جدااا  يعني بير اسرار   
7 _ اني ابطل اكون الشريك المخالف  في كل شيء ...عكس الناس ....مش من باب خالف تعرف ...لاء  من باب اني احب اكون غير كل الناس  لان   ربنا خلقنا مختلفين ...اريد ان اكون متفردة  _ مش غرور والله _ وابطل اشتري ميك اب   ومستعملوش  غير بس قلم الليب لاينر البنفسجي والاخضر


حاجات مقدرش اعملها 
1 _ اني ابطل  افكر في كل شيء قبل ما اعمله وافكر يا تري  رأي ربنا فيا اية وراي ربنا ف الي هعمله ده اية 
2 _اني  ابطل قراءة اي  وررقة حتي لو ورقة مرمية ف الشارع  _ عملتها كتير علي فكرة "  واني احتفظ بيها 
3 _  اني ابطل كتاية مهما كانت الظروف والضغوط  وكلام الناس المحبط _ انا اكتب  لأخرج ما بداخلي لا اكتب كمحترفة _
4 _  اني اسافر  لآي مكان ومتأخرش ...معرفش لية دايما المترو يعطل والطريق يكون زحمة ....بركاتك يا اخت روووبي 
5 _ اني ابطل  اروح البحر ف الشتا واقعد ع اللسان واحط رجلي ف المية لغاية ما اتلج وتجيلي  ذات الرئة _ بموت ف البحر ف الشتا _
6_ اني  ابطل اكل ايس كريم  ف الشتا ف قلب الشارع  والمطر نازل فوق راسي والناس تتفرج عليا وصحباتي يتجننوا معايا ويعملوا كدة _ بس احلي جنون علي فكرة _ 
7 _ اني ابطل اكتب الفكرة اول ما تجي ف بالي حتي لو مش معايا قلم ...كتب قبل كدة باقلام الكحل والروج ^_^ 


سبع كلمات او حاجات دايما ف كلامي 
1_ كدة يعني ...كلمة كدة يعني كل الناس الي تعرفني  تعرف انها لازقة ف لساني  كدة يعني ...ليها معاني كتير كدة يعني 
2 _ ممممممممممم معرفش معناها اية غير انها تعجب ....استغراب ...اندهاش ....استفزاز ...كدة يعني  ممم
3 _ ياراااااجل ....ودي لما مصدقش الكلام الي بيتقال ...سواء بنت او ولد الي بيقوله  كدة يعني 
4 _ لالالالا متفهمنيش صح .دي بهزار بقي ^_^
5 _ الرجالة كلهم انداااااااااااااااااال .... وعايزين الحرق .....كدة يعني ... الستات عايزين جهنم تلمهم .....انا بقول الستات ..انا مش منهم الحمد لله مين قال اني ست ...انا عيلة اصلا
6 _ اي والنعمة  انت مش مصدقني  " مع ابتاسمة شوريرة صوغيرة " هههه
7 _ كلمة يا حبيبي  بقولها لاي حد ولد او بنت ومش عارفة  لية ف لساني  حتي بغلط كتير وبقولها للمدير بتاعي  وبيموت م الضحك عليا لاني عيلة اوي ف الشغل 

 سبع افلام بحبهم وأثروا فيا

Wizard of Oz
Lake house
    just like heaven
 _ city of angels
_ you've got mail
 _ brave heart 
_  ratatouille
_  
                

سبع  صور بحبهم
اي صورة فيها بنفسج
زي دي

                                                       بحس اووي اني عاملة زي أليس

                                                      عايزة احس الاحساس ده  .....تاني

                                             
                                                        وبتمني  تاني ......مجربش الاحساس ده

                                                      عايزة يكون عندي زي ده

                                                          عايزة اعيش ف بيت زي ده

 اما الصورة السابعة .....
احب احتفظ بيها لنفسي ....
وتبقي سبع رسائل احب ان ارسلها لأصحابها ....لكن...ليس هذا وقتها ....
وبس كدة ..كفاية كدة يعني
وميرسي لأسماء خليفة  انها خصتني بالاسم ف السبعة الجميلة دي
هي صحيح مش ذات قيمة  بس الي قدرت عليه ...واقول اية ....توتة توتة ...بنفسج وحدوتة  ^_^