س....سؤال
ذلك السؤال الغبي الذي يسأله الكبار للأطفال ..." بتحب بابا والا ماما أكتر ...؟ "
ل ....لا يعلمون انهم بذلك يجعلون الطفل متحيرا ....متوترا ...وقد يجعلوه متغير من ناحية الاب او الام بقولهم ..." لا ماما احسن مش بتضربك.....لا بابا احسن بيجيب لك شيكولاتة ..."
م ....ممكن جدا الطفل يتعقد من هؤلاء الناس ...أو أنه اصلا يتعقد من الاب او الام بسبب كلامهم
س ...ٍسؤال
بتسأله مامته " انت لية عملت كدة ...كدة غلط ....؟ متعملش كدة تاني "
كان هو اخذ علبة سجائر والده و جرب أن يفعل مثله ويجرب التدخين
ل .....لوم
لوم والده لم يكن سهلا ...بل كان صفعه علي الوجه
قاسية ...غاضبة ....
جائز جدا أن تكون قسوة غير مبررة
م ....مبرر منطقي ...ومقنع
مبرر االام المقنع ...ان الابن ...صغير ميعرفش حاجة ومينفعش انه ينضرب ...لا لازم اننا نوجهه صح
مبرر الاب المقنع ...ان لازم يكون في رد فعل جامد عشان ميكررش الغلط تاني ...
مبرر الابن المقنع جداااا والبريء جداااا ...الراقي جدااا
" يا ماما ما هو بابا بيشرب سجاير ...يبقي انا كدة بعمل غلط ازاي ....!!!؟؟؟
وانا لا يسعني الا أن أكون قلبا وقالبا مع الابن ...لانه فعلا مبرر مقنع ^_^
س-ل-م سؤال - لوم - مبرر منطقي
ردحذفممتاز انك لفتى النظر لهذا الموضوع
لانه بالفعل متكرر من الاب والام كثيرا بدون تعمد
كل عام وانت بخير
لك تحياتى
حلوة فكرة اجعلي الحروف تتكلم :)
ردحذفعلى فكرة انا سالت ابن اختي بتحب مين اكتر بابا ولا ماما الولد وبدون تردد قالي انا بحب الاتنين مقدرش اعيش من غير الاتنين .. 4 سنوات :)
المصيبة لما تسمعي اجابة انا مبحبش الاتنين :)
أولا : كل سنة وأنتى طيبه بمناسبة عيد الفطر
ردحذفثانيا :الاطفال مرأة الأسره فى البداية بيكون شخصيته بالمكتسبات من الأم والاب وطبعا بيكونوا القدوة ليه للأسف فيه حاجات أكتر من الى ذكرتيها دى بتكون خاطئة فى تربية الاولاد وممكن الطفل مثلا الى بيقلد ابوه فى التدخين ينضرب وميكونش مقتنع بالسبب الى بينضرب علشانه لانه شايف انه غير منطقى فبيحاول يقلد بعيد عن اعين الوالدين وهنا تبدأ الكارثة.
الأطفال صغار الأجسام وصغار العقول ولكنهم كبار التفكير فيقتنعون ويرفضون ايضا ............