الأربعاء، 18 ديسمبر 2013

هل تفعلينها .....


كنت مريضة خلال الايام الماضية   و كانت وسيلتي للتسلية هي التليفزيون
فرصتي هي انني  كنت في كل مرة اشاهد فيلم " بنتين من مصر " في أخر مشهد  ...
هذه المرة شاهدته من البداية ....بسبب مرضي
وبداية لابد منها  يجب ذكر قصة الفليم باختصار  .... وهي قصة كثير من فتيات مصر للأسف ...العنوسة وتأخر الزواج   من خلال قصة فتاتين بنات عم ......
وحتي لا اطيل ولأدخل في صلب الموضوع  إحدي الفتاتين تعرفت بشاب  واعتقدت ان الدنيا قد اصبحت وردية ولكنها لم تكن وردية بل تستورد عليها ..اي تدعي اللون الوردي ....فالفتي شكاك لأبعد حد ممكن
زينة ...وإياد نصار ....الفتي والفتاة ....الفتاة تريد ان تتزوج والفتي يشك في  ان تكون أي فتاة وصلت لسن الثلاثين ومازالت عذراء ...!!!
شكوكه وصلت به بالنهاية ليطلب منها أن  تقوم بكشف يثبت عذريتها .....!!!
وبرغم اعتراضها في البداية  واعتراض اهلها وابنة عمها ....الا انها تحت الحاح فكرة الزواج وافقت .....بالنهاية لم تتزوجه لانه شكاك جدا ولا يثق ف اي فتاة ....!!

السؤال ............
أنت يا فتاتي هل لو تخطي بك العمر وخفتي أن يرحل القطار من المحطة _ محطة الزواج _ ...هل لو جائك من يريد الزواج ولكنه يريد اولا التأكد من عذريتك وطلب منك أن تقومي بهذا الكشف ...هل تفعلينها ...؟
 قبل الاجابة عن السؤال أحب أن أعرض بعض الاراء هنا  _ أراء رجولية _  ثم رأي أنا بالأخير وأنتظر أرائكم فأنا
كنت بحب دايما أسأل أي شاب  بعرفه معرفة شخصية ووثيقة السؤال ده " لو اتجوزت  ويوم الفرح اكتشفت ان عروستك مش عذراء هيكون رد فعلك إية ؟ "
* محمد1
أعتقد أن محمد كان أصدق انسان عرفته  برغم ان معرفتنا كان فيها شوية لخبطة وتعقيدات ...
لما سألت محمد السؤال ده كانت اجابته جميلة أوووي  " انا  أكيد هتصدم  , بس أكيد هحتاج تفسير منها , لو هي مالهاش ذنب أكيد هسامحها بس الي مش هيكون مريحني  انها من الاول  خبت عليا كان المفروض تقولي وانا ساعتها كنت  هقف جنبها ومش هتخللي عنها , لكن تخبي عليا لغاية ما نتجوز ده الي مقبلوش ....
جايز يكون الكلام الاخير ده منطقي جداااا
* محمد 2
لا طبعا مقبلش وهطلقها علي طول  لانها فرطت ف شرفها ....
سألته حتي من غير ما تسألها ده حصل ازاي  ؟ ما جايز تكون مظلومة ...!!!
لالالالا يا بنتي  اللي تعمل كدة مرة سهل تعمله كتير 
* محمد 3
مش عارف  الصراحة بس هتصدم جدا لكن مش عارف هيكون رد فعلي إية ...بس الاكيد اني هكون مضايق جدااا ومش هقدر اكمل معاها....
* محمد4 
ومين قالك اني هتجوز اي واحدة من غير ما أعرف تاريخ حياتها كله .....لالالا انا مينضحكش عليا ...
_ وانت لية بتقول انه بينضحك عليك ما جايز البنت متعرفش اصلا انها فقدت عذريتها 
_ ازاي يعني متعرفش لا  بتكون عارفة 
_  ممكن يكون حصل وهي صغيرة ومفهمتش  اية الحكاية 
_ لا البنات بيعرفوا  ...متجادليش  يا رحاب وتدافعي عن البنات الي بالشكل ده لانهم ميستاهلوش ...
محمد 5 
بالرغم من التكنولوجيا  والعلم والتقدم الذي وصلنا إلية الا ان عقولنا مازلت كما هي ...بدائية  والرجل الشرقي عموما والرجل المصري خصوصا  يبحث عن العذرية كأنها قدس الاقداس , لهذا لا يتزوج من كانت علي علاقة به وفقدت عذريتها معه  ويتزوج من أخري لم تفقد عذريتها بعد وقد تكون من تزوجها فقدت عذريتها من قبل   ولكنها أجرت عملية  وما اسهل هذه العمليات الان  ولكن هي أمامه عذراء الآن ....أنا أريدها عذراء
**هكذا هي رودود أفعال الرجال  يا عزيزاتي  .... وليس كل الاراء مثل رأي محمد رقم واحد فهو رأي لا يمثل سوي واحد ف المليون من الرجال
النسبة ألاكبر منها  تلقي اللوم عليك ولا يريدون تفسيرا  فقط يديرون رؤوسهم  وينئون  عنك....
بالنسبة إلي ....اذا قال لي هذا سأقول له بكل بساطة  إفعلها أنت أولا ....أثبت لي أنك مازلت نقي وبتول ولم تفقد عذريتك أنت أيضا لنذهب سويا للطبيب الذي يثبت لي انك مازلت طاهرا وأذهب أنا معك لطبيبة لتثبت لك انني مازلت طاهرة ...؟
فنحن أمام الله سواء  .....فلماذا لا نكون امام انفسنا كذلك...؟!!
ولكني ان طلبها مني احد لن افعلها أبدا  ومن يشكك في من الاساس لا أريده حتي ولو كان أخر رجل بالعالم 
الآن رأيكم يا شباب...ورأيكم يا فتيات

هناك 6 تعليقات:

  1. أى شاب بيتقدم لاى بنت أكيد بيكون عارف هى ايه وأهلها مين ولو مش عارفهم السيره الطيبه بتبان
    ومدام قبل على نفسه انه يرتبط بيها ده سبب كافى انه يحترمها ومتبقاش موضع شك بالنسبه له
    والعذريه مش مقياس يمكن أنتى قولتى ان فقدها ممكن يكون وهى صغيره ولكن ممكن يكون فقدها بسبب الرياضات العنيفه وبعض انواع الرياضه الى بتكون فيها صدمات للمنطقه دى
    وممكن واحده تكون اخلاقها مش تمام وتعمل كل حاجه بس عندها عذريتها ودى العن وأضل من انسانه غلطت مره وتابت لله
    وعلى فرض الموقف ده حصل فممكن الإنسان يعفوا ودى جزائها عند ربنا كبير لانه سترها وكان سبب لتوبتها وإن مكنش عايزها فممكن يسرحها باحسان وبدون فضيحه انه يبينه علىانه طلاق اختلاف وده كمان له ثواب ومأعتقدش انه واجب عليه انه يعيش معاها له حق الأختيار ولكن لازم يراعى حرمة الغير .
    المجتمع بيعتبر غلط البنت غير الولد مع ان الغتنين واحد بس الولد ممكن يصلح الغلط ده بس البنت لا دى نظره مجتمع وصعب انها تتغير وان كانت خطأ
    أما الموقف ده لو حصل فأعتقد ان أخلاق البنت وتربيتها تشفع ليها ومفيش انسان معصوم من الخطأ ووارد جدا ان ممكن تبقى زوجته وام أولاده وتتعرض لاغتصاب فهل هو ممكن يسيبها فى الوقت ده ولا لا
    أعتذر للإطاله

    ردحذف
  2. طبعا ً الكل كلامه تنظير , لأنو بالواقع ما حدا عاش التجربة لحتى يحكي ... و سهل كتير أنو الواحد يدّعي المسامحة و الاستمرار بالحياة أو حتى عدم الغفران و الطلاق !
    حاولت قدر المستطاع فكر و حط حالي محل الرجل اللي هيتجوز بنت غير عذراء , طلعت بالنتيجة التالية :
    بالبداية هاسمع منها القصة , بعدين هنروح لعند دكتورة لحتى نتأكد من إن كان كلامها صح ( أنو الموضوع صار عن غير قصد ) أم لا ...
    بس كونها خبّت عليّ موضوع خطير متل هاد , يبقى هيكون مستوى الشكّ و القلق اتجاهها كبير ... القلق لأنها بتخبيّ مو لأنها غير عذراء ( فمسألة كونها غير عذراء غصبا ً عنها تأكدّ بكلام الدكتورة )
    إن استمرت الحياة بيننا ... هيكون فيها شكّ و توتر طول الوقت ... , و هون هيكون من الضروري على كلينا التصرّف حيال هاد الشك لإزالته ... و إن طرف قصّر .. فما بظن الحياة هتستمر وقتها , و هيحصل انفصال


    و بالأخير برجع بأكدّ , هاد كلو تنظير ... و فزلكة .. و كلام خيالي ...
    الله وحدو بيعلم شو هيصير بالواقع ..

    شكرا ً أختي رحاب ع طرح الموضوع , و عجبتني فكرة الريبورتاج :)

    ردحذف
  3. الاختيار......من حقه يختار اللى يناسبه، وهى أيضًا من حقها، كون إن المجتمع يعطى حقوًقا فى الاختيار أكثر للرجل أو يتحيز له أكثر فده مجتمع مريض ومش مشكلة الرجل كذكر ولا المرأة كأنثى!
    ثانيًا يفترض أنه هناك فحوصات ما قبل الزوج لا تفعل خلاص اتفلقى أو اتفلق!
    العذرية دلوقتى معنوية ومادية، أنا شايف ان المعنوية أكثر خطورة!
    بالنسبة للحاجات اللى لا تبين ولا تنكشف، المثل بيقول الصراحة راحة فهو فعلًا كده الجواز بنيان أساسه الصراحة والوضوح.
    أما بالنسبة ليا مش متخيلى نفسى مجوز أساسًا، ولو حصل واتصدمت فهذا قدر ساعتها أبقى أفكر أقتلها ولا أتماسك ونبحث الأسباب الفنية ولا يمكن أنتحر.....

    ردحذف


  4. أولا الحمد لله على سلامتك، وعودة ميمونة.
    بخصوص الفيلم أنا شاهدته، وهو من الأعمال الدرامية الجميلة، التي تعالج واقعا مأساويا، لا يخص مصر على الخصوص بل أوطاننا كلها التي تنطلق من نفس العقيدة، والتقاليد، والأفكار...
    شخصيا، أرى أن غشاء البكارة قد تفقده الفتاة وهي صغيرة تلعب، وقد تفقده في ظروف أخرى بعيدا عن المعتقد الساري أن من فقدته لابد وأنها مارست الجنس، في الأعراف، هو الفاصل بين الشرف واللاشرف، وهذا ما قامت عليه قناعة الناس وتعارفوا عليه... وغالوا فيه لغاية أن هناك من يحتفل بعد أن يظهر العريس دم عروسه للعيان. منظر أشمئز منه، كيف لشخص يدعي طلب الشرف أن يكشف مستورا وما خفي عن الناس في غرفة نومه. لكن في ظروف عرف غبي يصبح الخطأ فخرا، وتصبح الأشياء التي يخجل منها الناس تعلن على الناس...
    البيئة أيضا لها تأثير على الرجل، وهي من كونت منه شخصا يرى الشرف في غشاء رقيق جدا، قد ينفض بسهولة ويسر، فتكون الفتاة ضحية مجتمع، وقد تنقلب الموازين كلها، حتى لو كانت الفتاة طاهرة ولا ذنب لها.
    شخصيا أرى أن طهارة الفتاة تتجلى في خلقها وسلوكها، أما وضع غشاء البكارة معيارا لذلك، فهذا فيه ما فيه وعليه ما عليه، فالرجل قد يدخل بعروسه وقد لا ينتبه إلى أنه فض غشاءها، فيقيم الدنيا ويقعدها، على أساس أنه ليس بالضرورة أن ينزل الدم شلالا كما قد يعتقد الناس، فقد ينزل كماء وردي فقط أو نقطة دم صغيرة قد لا تظهر..
    إن طهر الفتاة يتجلى في استقامتها قبل وبعد الزواج، وهذا هو المعيار الأساسي، ومن يجعل غشاء البكارة مدار علاقته سيعيش في عذاب طول حياته، بل في الشك المسلَّط.
    كتبت قصة قصيرة منذ شهور تعالج هذه الفكرة والعادة، وقد نشرتها سابقا.

    ردحذف
  5. اولا الف سلامة عليكى يارحاب وربنا يجعله فى ميزان حسناتك .. اما بقى الفيلم انا شفته فعلا وعجبنى جدا جدا بصى انا بالنسبالى بدون مبالغه ارفض اى تنازل من الانثى يمس كبريؤها لمجرد انها كبرت وفرص الزواج بتقل يعنى ممكن اتنازل عن حلم من احلامى من اجل الزواج والاستقرار والامومة لكن استحالة انى افرط فى جزء من كرامتى خاصة مع رجل موضوع العذرية والخطأ انا معاكى جدا انه مش مفروض يكون منحصر فى البنت بس لان المساوة فى الخطأ بين الرجل والمرأة من اهم حقوق المرأة لو اتعرضت لموقف زينة فى الفيلم مش هرفض وبس عشان الشك وعشان كبريائى لكن كمان مقدرش ارتبط بانسان مهزوز الثقة كده

    ردحذف
  6. أنا سمعت ان الفيلم ده كويس مع اني مسمعتش عن حكاية العذرية ديه ... عجبني رايك لأني دايما بستغرب ان القرآن وحدوده في الزنا لم تختلف بين الرجل والمرأة وحتى في غض البصر مع أن المجتمع يعطي حرية للرجل في الزنا خاصة قبل الزواج .. عجبا وأي عجب وكأنه يزنى مع حد مش امرأة .. المهم ردا على سؤالك لو حد طلب حاجة زي كده حديله بالقلم على وشه :))))))) اساسا يعني ومعتقدش حيحصل لأن ده انسان ناقص من الأول .. فيما يخص الرجل في الوطن العربي البنات على قفا من يشيل ياخد واحدة شاكك فيها ولو 1 % ليه .. ولو أني أعتقد فيه ناس تحب اللي يكدب عليها زي ما حد قال في التعليقات ان ممكن بنت تكون عذراء بس ماشية على حل شعرها عادي يعني .. الرجالة اغلبها ضعيفة الشخصية والثقة بالنفس واعتقد 99 % منهم مش حيقبلوا حاجة زي كده . وبعدين طيب ديه العذراء معنى كده المطلقات والأرامل خلاص مينفعوش حيثبتوا الالتزام الاخلاقي ازاي ؟؟؟

    ردحذف

هنا ...ممكن تقول .... الل بقلبك
يمكن حد يفهمك
لآن في وقت بنعرف نقول فيه الي بنحسه
لكن في وقت بنشوف ومبنعرفش نقول