الاثنين، 21 أبريل، 2014

أنت ....لست



كن شجاعا مع نفسك أولا ...حتي تكون شجاعا مع الآخرين
تغلب علي صمتك ...حارب آلامك ....أبكي وأضحك وقتما تحب....جاهر بأحلامك ....
كنا نري تلك الصخرة علي شاطيء البحر والامواج تضربها  بعنف وهي ثابته لا تتزحزح 
كنت تشبهني بها ....في عنادي وثباتي ....
تقول أنني شجاعة ...
لكني لست تلك الفتاة التي تخيلتها...
فشجاعتي  بالظاهر فقط ....
وكم كنت جبانة أن أقول ما أريد لك وقتما أريد 
كم كنت أتمني  أنـــ ....
هو : أنا بحبك
هي : انا كمان بحبك ....
" لكنه ليس حب كما تريد ....أنه حب  كما أريد "
لماذا لم تستطع انت  فهم هذا ...أم أنني لست تلك الفتاة التي قالت ما بين القوسين لك 
وهل قلته حقا أم أنني لم أكن شجاعة لأقولها في الحقيقة ....
فقلتها لك في الخيالــ......
2
 لا تطلب مني انتظار ...لا تطلب مني عتاب ..ولا سماح ولا حب
فأنا لا أريد
لا أريد أن أعيش عذاب انتظار 
عذاب عتاب ...وسماح ...وحب ...واختيار... 
3
 هو ...
مش احنا أصحاب ..!!؟؟ 
انت لية مش عايزة تقوليلي  انت زعلانة من إية وإية الي تاعبك...
أحكي لي ..فضفضي ...مش انا لما بكون مضايق بحكي لك وبفضفض معاكي ...؟!!
انت لية مش عايزة تكوني قريبة مني ...
هي ...
وانت لية مش قادر تفهم اني مبحبش احكي مع حد
لان الي اتعود يسمع حكاوي الناس وشكواهم ...مبيعرفش يحكي شكوته  
والناس دايما تكون منتظره منه انه يسمعهم مش منتظرين منه انه يشتكي ....
4
هي ..
انت مزودة الميك اب النهاردة أووي 
صديقتها ...
علي الاقل الميك اب هيداري  الي مش عايزاه يظهر علي وشي 
5
انت لست   من عرفتها ...
ولست كما عرفتك...
فكل يوم أكتشف أنك لست من عرفت
ولست من فهمت...
حتي أنني أشعر أنك لست من أحببت 
أنت فتاة غريبة ...
أنا أفتقدك جدا هذه الايام ...
أفتقد كلامي معك...
اهتمامك بي...
اتصالاتك التي كانت بمداراليوم تسأل وأنا أجيب
أنا أفتقد ملامحك...
وأفتقد الشعور بأنك بجانبي...حتي لو بيننا المحيط يفصل بيننا 
أنا أفتقد كل شيء حتي شجارنا معا 
هل تتخيل أنني في غمرة انشغالي بك ...نسيت أنك...
نسيتني ...

هناك تعليقان (2):

  1. مش عارفه اقولك ايه يا رحوبه

    بس الدنيا دى غريبه اوى
    والاغرب الناس اللى عايشين فيها لا عارفين نفهمهم ولا هما عايزين يفهمونا
    تحياتى ليكى

    ردحذف
  2. كن شجاعا مع نفسك أولا ...حتي تكون شجاعا مع الآخرين

    نصيحة جميلة وبوست جميل ومواقف واقعيه نجحتى فى سردها باتقان وتسلسل

    ردحذف

هنا ...ممكن تقول .... الل بقلبك
يمكن حد يفهمك
لآن في وقت بنعرف نقول فيه الي بنحسه
لكن في وقت بنشوف ومبنعرفش نقول