الجمعة، 10 أبريل 2015

التدوين فضفضة...


طول عمري كنت ومازلت شخصية مبتعرفش تحكي اللي جواها لأي شخص....يمكن عدم ثقة ...يمكن حذر ...يمكن خوف .... يمكن أي شيء ....مش عارفة 
الكتاب والمجلة  والقصة هما كانوا أصحابي الحقيقين ....
أعترف أنني دخلت عالم التدوين بدافع الفضول  لما رأيت  من كتابات أصدقائي...
في البداية أحببت أن يكون إسم مدونتي عن الحياة وما يحدث فيها وكنت إخترت إسم جريء  هو " حياتي وانا حرة فيها  " تمرد وحتي توقيعي كان متمردة.....
لكني عندما بدأت اكتب وجدتني سأكتب عن أشياء لا أحب أن يعرفها أحد فأثرت أن لا أكتب 
ثم غيرت رأي وأسميت المدونة " حياتي لكن مش حرة فيها " ومين فينا حر ف حياتي إذا كنا جاين الدنيا غصب عننا ....
وخضت التجربة بإندفاع وتهور .... فلم أفلح في الكتابة ولم أري نفسي سوي معلقة علي الكتابات  التي تعجبني  ....
ثم أعدت التجربة مرة أخري في 2008 وقد كنت تعلمت من تجربتي السابقة ....
وبدأت اكتب ما يعتمل في قلبي من أشياء بطريقة مستترة  لا يفهمها أحد غيري 
ومع مرور الوقت أجدت صنع مفرداتي التي أصبح البعض يفهمها ...
تعرفت علي الكثيرين من أصدقاء التدوين بعضهم صديقي بالحياة بل ومن أعز الاصدقاء
والبعض الأخر لم أراه سوي مرة واحدة ولكنه ترك بقلبي شعلة أمل بالحياة 
والبعض الأخر لم أقابله  بل وقد لا يحدث أن نلتقي أبدا لكنه ترك بداخلي  جزء منه يقول لي أنه موجود  ....
التدوين بالنسبة لي فضفضة ...ورسالة 
فضفضة لا أستطيع كتمانها ...ولا أستطيع فك طلاسمها 
ورسالة لمن لا أستطيع البوح لهم بمكنون قلبي 
أري نفسي في التدوين أكثر مما أري نفسي في أي مكان أخر 
ومدونتي هي  بالنسبة لي إبنتي التي لم تولد بعد
والآن أصبح لي ابنتان  أعشقهما  " حياتي لكن مش حرة فيها " و " حوليات رحاب صالح "
وأخيرا ...التدوين بالنسبة لي حياة ....فعندما أتوقف عن التدوين ...إعلموا أني قد ...مت 

هناك 7 تعليقات:

  1. ربنا يديلك طولة العمر بالخير يا رب وتفضلى تقدمى لينا كلمات جميله وافكار اجمل . وكفاية انك بيشدك اشياء مميزه ويمكن دا اللى بيدفعك انك تعلقى عليها وفى النهايه اعتقد طالما لسه قلمك موجود هتفضلى تكتبى وتبدعى دايما

    ردحذف
  2. مقال جميل يا رحاب
    وخاصة إنك بتعتبرى التدوين فضفضة ورسالة :)

    ردحذف
  3. أحسنتى القول
    التدوين فضفضة ورسالة
    واضيف أيضا لتسجيل وقائع
    حياتنا(العامةوالشخصية) التى قد
    تسقط من ذاكرتنا احيـــــــانــــــا

    ردحذف
  4. صباحك رائع يا رحاب

    عجبنى اوى البوست ده حسيت ان حروفه شبهك وكأنك فاعده تتكلمى معايا فى الكافيه اللى بافضل وبنشرب عصير مانجو متلج فى الجو المتلج اللى احنا عايشين فيه هههههههههههههههه
    ربنا يبارك فى عمرك وفى صحتك ويفرح قلبك وتلاقى اللى يشغلك عن التدوين ويكون افراح وسعاده
    فى احدى المرات قالى لى احد المدونين الذين اعتر بهم قالى انتى بتعرف تعلقى افضل مما تكتبى يعنى انا رد فعل للكلام وقته فكرت ولاقيت انى فعلا لما باعلق على بوست باتكلم براحتى اكتر من لما اكتب بوست ...
    على فكره من كلامك فى المدونه انى واضح انك انسانه صريحه بدليل انك بتوقعى باسمك وحاطه صورتك الشخصيه وبتحكى عن حياتك فى غيرك كتير لا يملكوا هذه الصراحه واللى بيدارى نفسه جوه مية قناع وبيزيف حقائق واكيد قابلتى منهم فى حياتك المهنيه او الالكترونيه ...


    دعوتى لكى بالسعاده على الدوام وان تكون اقوى من اى شئ حولك

    ردحذف
  5. بعد الشر غنك ياقلبى
    رحوبه بجد التدوين ده حاجه جميله اوى هو.فعلا حياه
    خصوصا اما يبقى فى مدونين محترمين بيشاركوكى الاراء والافكار ويتواصلوا معاكى
    تحسى ان الحياه ليها طعم.خاص كده ومتنفعش من غير التدوين
    تحياتى لاجمل رحوبه

    ردحذف
  6. ربنا يخليكي لينا يا رحاب ولبلوجر ولعالم التدوين
    ببقى سعيدة دايما وانا بين حروفك
    تحياتي :)

    ردحذف
  7. على رائيك

    التدوين حياه فعلا
    منوره بلوجر تانى وسعيد بعودتك

    تحياتى

    ردحذف

هنا ...ممكن تقول .... الل بقلبك
يمكن حد يفهمك
لآن في وقت بنعرف نقول فيه الي بنحسه
لكن في وقت بنشوف ومبنعرفش نقول