لو ...

لو أن الحياة  أنت ...

فقد عشتها ....

ولو أن الموت أنت ...

فقد مت ...أيضا 

 فما الحياة الا انت ....والموت أيضا

عن الضحك

إعتدنا قديماً أن نقول،الضحك من غير سبب قلة أدب، الآن الضحك من غير سبب هو فرصتنا الوحيدة لنضحك!..
نعم، فلتضحك بدون سبب فربما لو انتظرت سبباً لتضحك ما جاء هذا السبب وما ضحكت أبداً. 

ده مش كلامي ده كلام صاحب التدوينة  

@

علي أسك ask " سألتي غادة  محسن " أخبريني عن آخر مرة ضحكتِ فيها من قلبك ..؟ 

ووجدت نفسي  أفكر .....عن اخر مرة ضحكت فيها من قلبي ....

يااااة ....أن الحياة غريبة حقا ...

نتذكر كم من المرات مرضنا فيها  بكينا ....تشاجرنا ...جفت فيها أعينننا من الدمع 

وننسي تلك المرات التي فيها ضحكنا من قلوبنا ...أو شعرنا بالفرحة 

كم هي غريبة تلك الحياة ....

ليس لدينا  وقت للضحك فيها الا قليل ...وأوقات البكاء والحزن فيها كثير 

يلوموننا علي ضحكنا  بسبب أو بدون سبب

ولا يلوموننا علي بكائنا وعويلنا ...وحزننا 

حتي الناس من حولك...

جيرانك ...زملاء العمل ...اصدقائك.....حتي حبيبك....

عندما ترا / ه / هم 

تتذكر فقط  ...كم من المرات ...أبكوك....

وتنسي كم  مرة ضحكت فيها ...مع / ه / هم 

  حتي  عندما نضحك كثيرا ...يقولون " خير " اكيد في حاجة هتحصل ....

كأن الضحك عملة نادرة .... " ده لو ناس مش متشائمة "

وكـأن  كارثة  ستحدث بعدما ضحكنا ... " ده للناس المتشائمة "

الحقيقة ...مش عارفة نهاية الموضوع اية ...

بس م الاخر يعني ....الضحك من غير سبب .....

مش قلة ادب ولا حاجة .....

دي حلاوة روح ....

عشان  مفيش  سبب للضحك بنضحك ...قبل الضحك ما يخلص 

خلاص 

يلا نضحك..... علي الاقل ناخد  حظنا من الضحك   قبل ما يبقي هو كمان عمله نادرة  أو سعره يغلي :)

كم وحي تدوينة "  الضحك من غير سبب" لـــ أحمد احمد صالح ....أخويا :)

منذ الازل

في مدونة العزيزة نيسان بوست لذيذ  هنا منذ ألف عام 
خلاني أفكر اكتب البوست ده
قالت نيسان "منذ الف عام والرجال  يتحدثون في السياسه  والاقتصاد وغلاء الاسعار و لا يزالون...
بس الغريبة ان الرجالة دلوقت بتتكلم في السياسة لحظة وبعد كدة بيقلبوا علي المسلسلات التركي  والمزز اللي فيها  طول الليل وبيتحسروا علي البراميل اللي متجوزينهم .....لان الستات في المسلسلات التركي رفيعين وحلوين اووي والستات المصريات بقوا شبة  البراميل  لانهم مش مهتمين بنفسهم ...مع ان الرجالة لو بصت لنفسها هتلاقي برضه انهم زي البراميل ومحدش اوحش من حد هاهاها...وبلاش تقولي شوفي نور وسمر ...لآني هقولك شوف كريم ومهند.... 
" الحمد لله اني مش تخينة "
و منذ الف عام والثورات تقوم والظلم لا يزال كما هو.....
لان الحياة كدة خير وشر...والخير مبينتهيش ولا الشر بيخلص
وبتستمر الحياة ..وبتستمر الثورات 
اما الشباب اللي ع القهوة بيتحسروا علي حالهم..... 
فبحس انهم جزء من الصورة  يعني لازم يكون في جزء حلو وجزء وحش في الصورة الصورة عمرها ما بتكون حلوة خالصة او وحشة خالصة 
وبعدين مش كل الي قاعد ع القهوة وحش  علي فكرة  :)
منذ الف عام والفتيات تحلم بفارس وحصان أبيض....
لا طبعا راحت علي الفرسان  خلاص امال فين تامر حسني واحمد عز والسقا وبعدين راح في مهند ويحيي وكريم وحتي الحصان الابيض بقي اولد فاشن  دقة قديمة
 دلوقت العربية الجيب شيروكي او الاوبترا  هي اللي بتحلم بيها اي بنت .....يعني ...ده اذا مكانتش عايزة طيارة 
وف الاخر يا عزيزتي  نيسااان 
كل شيء بيتغير ....حتي  الاحلام ...
حتي ولو كانت منذ الازل  وليس منذ الف عام

عن الاشياء التي ...تملكنا

كنت افكر 
 لم الحياة تمشي ببطء....
لا تغيير فيها ....
كنت اسأل نفسي متي تتغير الحياة .....
وتغيرت حياتي ....
معك....

 تلك الاشياء التي نتخيل اننا نملكها ....
لكنها ف الواقع تملكنا
كتاب...
كتاب اهديتك إياه ...مازلت اعرف   كل كلمة خطتها يدي في صفحاته الخالية
لآنني كنت أعرف انك ستملكه يوما ....
وسنفترق....فيكون ذكري تملكك ...لتذكرك أنك 
لم تملكني ....

هديتك
 تلك التي اهديتني إياها أول لقاء لنا
أتتذكرها....؟
لماذا لم تكتب شيء بها ....؟!
 الأنها ستملك جزء من وقتك...؟!
أم لآنك أثرت أن لا تترك ورائك شيء  أمتلكه منك@

لماذا لم تعد الحياة بتلك البساطة التي  كانتها  من قبل
ليتنا  بقينا هناك
في ذلك الزمن
الافتراضي ....
ليتنا لم نلتق...

 ايت الحياة ما صادفتنا بعضنا البعض ...
أتعلم ....


تعرف ماذ افعل ولا اعرف ماذا تفعل ...!

 ذلك الشعور  الذي لا أستطيع  تغييره...
أكره أن اراك تقرأ كلماتي ...ولا أعرف وقعها عليك...
أكره  هذا الشعور
الذي يجعلني  لا أعرف ماذا تفعل الآن@
كما ف الافلام القديمة
تظل تنتظر  لعله ياتي بأخر لحظة
لكنه لا يأتي
تقول لنفسها كم أنا غبية غبية غبية 
لماذا فكرت انه سيأتي ....؟؟!

الآن وقد شارفت علي  النسيان 
اري كل الاشخاص  بكافة  اختلافتهم ...أنت 
اري هنا عيناك...
 هنا ....يداك
 هناك .....صوتك
حتي نظارتك التي تخليت عنها 
اغنيتك المفضلة ...
وكتاب قصصك الذي تحب..." لا تنسني "
حتي ذلك الفيلم لــ توم كروز وكاميرون دياز ...
كلما  صادفني الحظ وشاهدته  اقف عند مشهد الطائرة وأتذكر.... أضحك
أتذكر  أول مرة شاهدته معك.....
كل تلك الاشياء التي ....
تملكني ....
لماذا تصر علي  أن تملكني ولا أملكها ....؟!!!


                                    من وحي جملة ف   تدوينة " بدون عنوان " مدونة كليوبترا " 
                                                                  لـــــ آية سمير

احســــــــــاس.....

0

ع البحر
كتبنا اسماءنا بعيد عن الامواج حتي لا يمحيها الماء

لكن ليس الماء من محي الاسماء ....
 1
 ف السوبر ماركت
تركت صديقتها  تشتري متطلبات منزلها
وخطت خطوتين  الي ثلاجة الشيكولا  وفتحتها لتأخذ  ذلك النوع المفضل لديها ...
لكنها وجدت يدها تذهب  لتأخذ نوع أخر ما كانت تفضله  ابدااا
دائما  هي تفضل نوع معين من الشيكولا
لكنه ...كان يفضل نوعا اخر
احبته هي لانه يحبه
" احساس ...انك تحب كل حاجة يحبها الي انت بتحبه  حتي لو مش بتحبه "


2
 صديقتها "بقولك اية  ...اعزميني علي بيتزا في " ..... " "
 هي " اوك معنديش مانع ...بس العزومة الجاية عليكي ...."
واول ما قعدت هي وصاحبتها  ...بصيت لقيت ان الترابيزة الي ادامها  عليها شابين بيبصولها وبيتوشوشوا ...عرفتهم
كانوا طلاب  لديها بالمدرسة
وقاموا سلموا عليها ........
وقبل ما يروحوا مكانهم تاني  سألوها بنفس واحد ...... هو خطيبك لسة مسافر ....
" ردت بارتباك ...اه لسة مسافر ..."
" والله خطيبك ده ميستاهلكيش ياميس ..."
" احساسك بالكدبة الي كدبتها ...وصدقتها ...ونسيتها ....وجة الوقت الي تفتكرها  ..."
لما تكون بتتعامل مع مراهقين ...بيعشقوك...مش بيحبوك وبس وتكدب عليهم عشان ميفكروش فيك .....طريقة غير آمنة للهروب من حب المراهقين "
3 
 كان الجو بارد جدا
اخذ يدها في يده ووجدها باردة كالثلج
حاول تدفئتها....ولكنها كانت لا تدفيء ابدا....
لكنه عندما وضع يدها في حضنه ...
قرب قلبه....
هناك فقط.... اصبحت دافئة .....
" عندما يكون الحب نابعا من القلب "

4
ارسلت له رسالة ....
فقط
ليعرف كم هي مشتاقة له....
لم يرد عليها ...
لكنها انتظرت الرد
" احساس  الانتظار المرير ..... "
لـــ تكتشف بعد ذلك أن  الرد
لن يصلها أبداااااا
فقط لأنها ....لم ترسل الرسالة قط
" احساس ...ف حلم  "
5
هي  ازيك عامل إية ...
هو الحمد لله ...فينك
هي ف الدنيا...
هو مش بتسألي يعني ...انا قلت ان حصلك حاجة عشان مبتسأليش عليا ... فين صلة الرحم يا بنتي ..
هي .......!!!
" احساس بالقهر لما حد يكلمك ويقولك مبتسألش لية ...طب انا مبسألش  إسأل انت ...وتكون هي دي صلة الرحم الي بتتكلم عنها "
6
هو ..استني معايا شوية كمان ...
هي لاء اتأخرت أووي
هو شوية بس ...
هي ...بجد اتأخرت  وانت عارف بابا  بيعمل مشكلة لما بتأخر   أوعدك ان المرة الجاية أجي بدري
هو ...لاء لاء انت مش بتحبيني لو بتحبيني   هتستني شوية كمان معايا ...
هي ....!!!
" احساس انك تحاصر الحب ف منطقة داكنة ....مقارنة  غبية غير منصفة ..."
7
هو ...انا حلمت بيك امبارح ...
هي ...ممممممممم
هو ...بتمني الحلم يتحقق
هي ...بتمني يكون حقيقي ...مش مجرد حلم...
" احساس ان الي معاك عايز يفضل يحلم طول الوقت ....وميحققش اي حاجة من احلامكم مع بعض "

ابتسامة علي شفتية ...

بالنسبة لي  رواية " ابتسامة علي شفتية " هي افضل واروع ما كتب"  يوسف السباعي" برغم اني قرأت كل رواياته  الا ان ابتسامة علي شفتية تظل هي الافضل بالنسبة لي .... 
بالرغم من انه تناول القضية الفلسطينية  والحرب عموما في اكثر من رواية مثل ليل له اخر و  طريق العودة ...
أول مرة قرأت الرواية كنت ف الخامسة أو السادسة عشر  من عمري  في مكتبة المدرسة
وتخيلوا كمية الحزن والبكاء التي انتابتني  وقتها علي موت عمار ...بطل القصة ...وعلي حظ " مي " الي  مكانش الوقت معاها  عشان تفضل مع عمار شوية  يعطيها حبه الا وقت ما اصابته رصاصة ...وكانت هي تمرضة ...
قصة كفاح  الفلسطينين ضد اليهود ....مغموسة بالدماء والحب ...مغموسة بالصمود والتحدي ...
تبقي نهاية القصة هي الاروع ...عندما يستشهد عمار وتأخذ مي قميصة الملطخ بالدماء ...ويأخذ   خالد _ اخو عمار الصغير_  مسدس عمار ليستكمل طريق  الكفاح ضد العدو ....
وتنظر مي لصورة عمار التي رسمتها وهي تقول " ابتسم يا عمار ...ابتسم يا حبيبي ..." وتخال ان ابتسامة ترتسم علي شفتية 
                                                        ^_^
 الرواية دي  الوحيدة الي احداثها تقريبا ف ذاكرتي محفورة علي عكس روايات يوسف السباعي الاخري  وبرغم اني قرأتها منذ فترة بعيدة جدااا وللأسف برغم ان اغلبية روايات السباعي عندي الا هذه الرواية التي كلما اشتريت نسخة منها يأخذها احد اصدقائي ولا يعيدها إلي ....
اشتريتها أكثر من خمس مرات تقريبا ....وكل مرة  تخرج بلا عودة الي ...
أخر من أخذها كانت صديقتي " رجاء " رحمها الله
وساعتها عندما توفت ....لم استطع أن  اشتريها مرة اخري ....
لعلني فقدت الابتسامة وقتها كــ عمار ....انتظر من يعيدها إلي ....
انصحكم جميعا بــ قرائتها لآنها فعلا تستحق ...وصدقوني ....ستجدونها أروع روايات يوسف السباعي  ...

حب عبر الزمن

 " لا استطيع أن اغني ...لكني استطيع أن أرقص "
هكذا كان لقائهم الاول .....
 أفكر كم أن البدايات  تتشابه
افكر فيه هكذا ...
انه حب عبر الزمان والمكان
عالم افتراضي ...
هذا الفيلم رائع في كل شيء
 الابطال ...القصة ..الموسيقي ...الاغنية .... كل شيء كل شيء
اعشقه....اعشقه جدااا
هذا الفيلم يحمل لي ذكري  خاصة جداا وجميلة جدااا
" احيانا يكون البعد  أفضل ...
واتسائل ....لماذا لا تتشابه النهايات  ف الواقع كــ الافلام ....
                                ؟ ؟ ؟ ؟ ؟
واما اغنية الفيلم فهي لأسطورة البتليز الشهير بول ماكرتيني "

- this never happen before by

                                    " اسبوع التدوين عن مفضلاتنا ....اغنية ..فيلم ...كتاب ....اعجبك...اسلوب حياة ....