" آمن بنفسك , يؤمن بك من حولك , وان لم يؤمنوا فهذه مشكلتهم هم , ليست مشكلتك أنت "
من ايميل ميرلا لــ عيسي في رواية " ساق البامبو "
لكن من منا يفعل هذا ...كيف تري نفسك....من خلال عيون الناس ....والا من خلال عيونك انت ؟
كيف تري نفسك...اذا كان من حولك لا يفهمونك....!!
كيف تري انك علي حق وهم علي باطل...وهم يرون العكس...
فأنت إذا قال لك أحد انت مغرور ..تجد نفسك تنفي عنك صفة الغرور كأنها تهمة شنعاء
كنت في مرحلة من عمري كل من يراني مع صديقة او في احد الدروس او من خلال الدراسة يقولون هادية ورقيقة ... وكنت ارد بأوسع ابتساماتي " والله ابدا انا لا هادية ولا رقيقة خالص ده انا مجنونة وشقية وعصبية ومتهورة ومندفعة وكل الصفات المتناقضة في بعضهاا "
ومكانش في حد بيصدق... بس كنت مصدقة نفسي ...ومازلت
طيب دلوقت ممكن يكون أصحابك شايفين انك مغرور وانت مش شايف كدة يا تري هتغير وجهه نظرهم ازاي ...
* صحبتك بتشوفك مغيرة في النيولوك بتاعك تقولك والله في حاجة اكيد في حب جديد ..ولما تقولي لها بصدق مفيش حاجة مبتصدقش
* لما بتتكلمي مع شخص ما بطيبة واحترام بيكون الناس شايفين ان ده نوع من المحاباة والنفاق أو نوع من الخنوع والاستسلام وبيرفضوا تماما تبريرك انه نوع من الاحترام
* عندما يسألك أحد عن اتجاهك السياسي ويكون مخالف لإتجاهه يقولك انك علي باطل ولا يقتنع بوجهه نظرك أبدا بل ويحاول ان يقتعك بإتجاهه هو ...علي اساس مبدأ انت مش فاهم حاجة من السياسة
* ان يرفض تماما زوجك فكرة أنك تهتمين بنفسك خارج المنزل بدعوي ...انت بتتزوقي لمين ...وينسي انك بتهتمي بنفسك لنفسك وليس للأخرين
* انتك تعمل حاجة مقتنع بيها ومش حرام بس من وجهه نظر الناس انها عيب وميصحش .... ولما تقولهم انك مش غلطان وان دي حرية ...يقولوا لاء ....ده اسمه استكبار
* لما يجي حد من زمايلك يقولك انت بتصلي والا مبتصليش ...الصلاة ركن اساسي في الاسلام....لاء ناقص تدخل بيني وبين ربنا
* لما تكون شايف نفسك صح في الوقت الي الناس شايفينك غلط...
يا تري تقدر تغير كلام الناس ونظرتهم ليك ووجهه نظرهم الي تكونت عنك....
والا انت شايف ان الصح تسيبهم زي ما هما يا يعرفوك زي ما انت عايز وشايف نفسك يا هما احرار ...وكل واحد يعمل الي يريحه ...والي مش عاجبة يشرب م المالح علي رأي البحراوية الي هو احنا يعني
*** تذكر حكاية جحا وابنه ...وانك لن تستطيع ان ترضي الناس جميعا...
** لذا ....كن انت أنت وآمن بنفسك وعش كما أنت بما أنك لن تضر غيرك....وإن لم يفهموك...ويؤمنوا بك كما أنت ...فهذه مشكلتهم وليست مشكلتك....
الإختلاف مش سبب للبعد
ردحذفكل إنسان أنا مقتنع إنه غلطان واجب على انى أوجهه وده بالنقاش قبل أى حاجه واما أقنعه أو يقنعنى انه صح
لو مش مستجيب لكلامى يبقى هو إختار طريقه وممكن أنا أكون غلط
المساله نسبيه بينى وبينه بس فيه حاجات بيقى الطرفين عارفين فين الصح الا ان طرف فيهم مُصر على غلطه
كل إنسان بيثق فى نفسه ممكن إنه يغلط بس نسبة خطاه بتكون قليله إلا لو كان هناك ما يزيد من النسبه كالغرور المتعجرف
تحياتى على العرض الجميل والمتسلسل
مشكلة المفروض، يبقى في طريقة للتواصل... وإلا قعدة البيت أفض، وهذا ما أفضله!
ردحذفالسلام عليكم
ردحذفازيك ياقمرايه
فى الحقيقه كلامك عجبنى اوى اوى اوى اوى
عارفه مشكله مجتمعنا المصرى ان الناس كلها بتدخل فى حياه كل الناس بطريقه مستفزه حتى مثلا الجيران والناس اصحاب محلات الشارع بيكونوا بيتدخلوا فى شئون الناس اللى ساكنه فى نفس المنطقه
ده غير ان مش بيعجبهم العجب
ده غير النميمه والغيبه وبقت تسليه
بصراحه بكره كده اوى
انا هقولك على حاجه
انا بجد لحس ان عندى خلل فى شخصيتى
لانى دايما دايما بسمع كلام الناس وبنفذ اوامرهم من غير ما اسأل نفسى اذا كنت انا راضيه ولا لاء او عايزه كده ولاء
عمرى ما سألت نفسى انا هحب كده ولا لاء
للاسف بظلم نفسى كتير اوى على حساب الناس
سعيده بمرورى هنا
على فكره انا عندى مشكله فى اضافه اداه المتابعين فى مدونتى دايما يكتبلى عفوا حدث خطأ
لكن انا بضيف المدونات عندى بقائمه المدونات الالكترونيه
المهم عايزه رايك فى البوست الجديد عندى
هنتظرك
اه نسيت اقولك حاجه
ردحذفصباحك بنفسج ياقمر