0
لا أعرف لماذا عندما نتكلم عن الحب نتكلم فقط بمعناه الضيق عن اثنين عاشقين
ونتجاهل ان نتحدث عن الحب بمعناه الاشمل ....
1
علي فكرة والله اليوم الي مش بضايقك فيه بحس اني مش عايش
اصل انت بتجنني وانت متعصبة @___@
2
اول مرة احب اللون ده مع اني عمري ما حبيته ....
بس يمكن عشان بحبك بحب اللون الي انت بتحبيه
3
علي فكرة أنا حلمت بيك أمبارح ...مش عارفة ازاي مع اني مبقتش افكر فيك بس علي فكرة مكانش حلم رومانسي ولا حاجة ...انت حتي زعلتني ف الحلم ولأول مرة حتي ف الحلم أحس انك مبتحبنيش ....!!
4
علي فكرة يا رحاب انت وحشة جدا عشان غيبت اسبوع بحاله ومسألتيش عني ....:(
طيب علي فكرة انت ...انا كنت تعبانة لية انت مفكرتيش تسألي عني ....!
علي فكرة كل واحد فينا عنده مشكلات كتير ياريت بلاش العتاب الثقيل ...وخللي العتاب بينا خفيف ...
ياريت محدش يبعت لي ويعاتب لاني بجد عندي مشاكل لا حصر لها والحمد لله علي كل شيء ...
5
انت عارفة .... انت طفلة في تصرفاتك ...طفلة في تعاملك مع الناس ...طفلة في كلامك مع اللي حواليكي ...طفلة في كل شيء .... حتي في الحب طفلة ...طفلة متعلمتش شيء ....
6
عارفة ....انت عيونك حلوة في كل الحالات .... وكل ما تبكي كل ما تكون عينك حلوة
وكل ما تضحكي عيونك تكون أحلي وأحلي وأحلي ..... عشان خاطري إضحكي ...^___________^
7
تعرفي لما كنت بسمع في كلام الاغاني " ياريتني قابلتك من زمان " أو اقرا في رواية ان عمر الحبيب الاولاني مش محسوب من قبل ما يقابل حبيبته كنت بستغرب الاحساس....
لكن بعد ما عرفتك لقيتني بفكر إزاي كان عمري الي فات من غيرك عشته ...وعمري الي جاي ازاي اقدر اعيشه من غيرك ...
مش ببالغ لما أقول انك الهوا الي بتنفسه أو الشمس اللي بتنور حياتي .... لاء انت كل حياتي ...
للحب فلسفه
ردحذفيجهلها الكثير من الناس
تحياتى ليكى يارحوبه
أكيد الكلمات دى شرح لصورة الورود الى فوق وكل رقم بيحمل معنى زهره منهم
ردحذفورغم ان كله فيه حب لكن دائما هناك كلمة الناتس فيما يعشقون مذاهب
تحياتى
رقم زيرو كنت لسه بتكلم فيها مع أخويا
ردحذفولقيته بصلي بإعجاب وقالي "محدش بيفكر بنقاء كده" :)