انت عارف عايزة افضفض معاك
ساعات بحس اني عايزة أكون معاك طفلة تخرج معاك وتشتريلها بلونة وآيس كريم
تجري معاك ع البحر وتتنطط في المية ...تبني قصر علي الرملة
تعيش معاك طفولة تانية .....تعيش معاك أيام متنتهيش
انت عارف
نفسي اقعد معاك احكيلك علي حاجات كتير ...بس لما بقعد معاك بنسي كل الكلام
كفاية انك بتكون معايا .... صحيح احيانا بتضايقني بكلامك ف الشغل بس بعديها عشانك
انت عارف الستات زي الاطفال بيحبوا الاهتمام فبلاش تكون معايا ومش معايا
تعرف انا اضايقت ان في حد قدم لي ورد غيرك...كنت اتمني انك انت اول واحد يقدملي ورد
اضايقت ان في حد جابلي هدية ....ومكنتش انت .... انت عارف ان الستات بتحب الهدايا ...مش معني كدة اني مادية لاء ...كفاية انك تهديني وردة بحبها منك ...
انت عارف...
كنت عايزاك تسمع اغنية عمرو دياب الجديدة "...." لاني عارفة انك بتحب عمرو دياب أووي ...بس متفهمهاش غلط شوف معانيها بشكل تاني ....ومتقوليش ان اختياري غلط ... متزعلنيش منك
انت عارف ....
مش معني اني اتعصب عليك اني مبحبكش ....بالعكس معناه اني بحبك أكتر
مش معني اني مش بفضفض معاك اني مش بثق فيك ...بس مش بحب اتعبك بمشاكلي
مش معني اني بعاند معاك اني بخالف أوامرك .... اعتبره دلع مش قوة شخصية
انت عارف....
اتمنيت نتمشي ع البحر مع بعض في يوم خارج الزمن ...نجري ونلعب والهوا يطير شعرنا ناكل اي حاجة نشرب اي حاجة مش مهم ان يكون مكان فخم زي ما انت بتحب دايما ...المهم نكون سوا ...المكان مش بقيمتة المادية وبمستواه الاجتماعي ...المكان قيمته في الناس الي فيه ......عايزة اجري والعب واطير طيارة ورق والعب ببلونات كتير معاك ...... واجيب عروستي الصغيرة ونلعب لعبة البيت.... اطير في الهوا فقعات ملونة معطرة برائحة البنفسج والياسمين ...
احضنك وابوسك زي طفلة صغيرة مبسوطة.... اخللي عطري يتمسك بيك ويفضل معاك دايما
وف اخر اليوم اسيب عطري يسافر معاك ....بس حافظ عليه
انت عارف...
انا حلمت بيك امبارح
حلو البوست يا رحاب ؛ رقيق وعفوي
ردحذف:)
بس جملة "فقعات ملونة معطرة برائحة " فصلتني لأنها فصحى !!
:)
تسلم إيدك وربنا يسعدك وتحققي كل أحلامك
صباح الورد يا شريف باشا
ردحذفوالله الجملة دي فصلتني اكتر منك بس للأسف مجاش ف دماغي اي وصف تاني بالعامية
اعمل اية بقي :(
ميرسي لوجودك